Bu yàgg la Yàlla waxoon ay yooni yoon ak maam ya, ci waxin yu bare, yonent yi jottali.
Ci fan yu mujj yii, ci Doom ji la jaare wax ak nun, ki mu jagleel lépp, te ci moom la sàkke àddina wërngal këpp.
Kooku mooy lerxat leeru Yàlla, te mooy ki jëmmal nekkug Yàlla. Moo téyee lépp kàddoom gu manoorewu. Gannaaw ba mu setalee bàkkaar yi nag, fa ndijooru Aji Màgg ji la toog, fa kawte ya,
te ni turam wi mu séddoo gëna màgge turi malaaka yi, ni lees ko yékkatee, ba mu gëna màgg malaaka yi.
Ndax kat, ana kan ci malaaka yi la Yàlla masa wax ne ko:
Buy indiwaat taaw bi ci àddina nag, ci la naan:
Malaaka yi, la Yàlla wax ci seen mbir ne:
Waaye Doom ji la Yàlla ne:
Yaa sopp dëgg, bañ lu bon, ba Yàlla, sa Yàlla diwe la diwu mbég, nga tiim say moroom.»
Mu neeti:
Yooyu day réer, waaye yaw yaay sax, lépp ay ràpp ni mbubb.
Yaa leen di taxañ ni malaan, ni yére di soppikoo it lañuy soppikoo, te yaw ngay kenn ki, te say at amul kem.»
Ana kan ci malaaka yi la mas ne:
Xanaa malaaka yépp duñu ay ngelaw yu ñu sas ab liggéey, yebal leen ngir ñu taxawu ñi wara jagoo ag mucc?